მედიაკოალიციის წევრმა ორგანიზაციამ “უფლებები საქართველომ” გამოაქვეყნა საინფორმაციო ანგარიში “ანტიევროპული პროპაგანდა საქართველოში: ადგილობრივი აქტორების სახეცვალება და ახალი ნარატივები”.
ანგარიში მოიცავს პერიოდს 2022 წლის აგვისტოდან ნოემბრამდე და აანალიზებს ევროკავშირის წინააღმდეგ მიმართულ დეზინფორმაციულ ნარატივებს და მათი გავრცელების კონტექსტს.
კვლევამ გამოავლინა, რომ რუსეთი აქტიურად იყენებს გავლენის გაფართოების მოდელს საქართველოში, რომელიც მოიცავს კორუფციას, პროპაგანდას და ადგილობრივი აქტორების გამოყენებას. 2016-2020 წლებში ანტიდასავლური გზავნილების რაოდენობა სამმაგად გაიზარდა.
უკრაინის ომმა და საქართველოს ევროკავშირში გაწევრიანების მცდელობამ მნიშვნელოვნად განსაზღვრა 2022 წლის პროპაგანდის შინაარსი. ძირითადი ნარატივი იყო, რომ დასავლეთი ცდილობს საქართველოს ომში ჩათრევას. ამ იდეის გავრცელებაში აქტიურად მონაწილეობდნენ მმართველი პარტია, ულტრამემარჯვენე ჯგუფები და მათთან დაკავშირებული მედიასაშუალებები.
ანგარიშის თანახმად, 2023 წელსაც მოსალოდნელია ანტიდასავლური პროპაგანდის გაგრძელება, განსაკუთრებით ევროკავშირის წევრობის კანდიდატის სტატუსის მოსაპოვებლად საჭირო რეფორმების კონტექსტში.
ანგარიში სრულად.
