„ტვ პირველის” მიერ 2 ნოემბერს გამოქვეყნებული საგამოძიებო რეპორტაჟი ააშკარავებს ერთ-ერთი უმსხვილესი “დამოუკიდებელი სადამკვირვებლო” მისიის მონაწილეობას არჩევნების მანიპულირებაში. გამოძიება ავლენს, რომ ერთი ოჯახის მიერ მართული ორი არასამთავრობო ორგანიზაცია, რომლებიც რეალურად მთავრობის კონტროლქვეშ მყოფი ორგანიზაციები ე.წ “გონგოები “(GONGO) იყვნენ, „ქართულ ოცნებასთან” მჭიდრო კოორდინაციით მოქმედებდნენ.
გამოძიების თანახმად, სადამკვირვებლო მისიის წევრთა უმრავლესობა კრიმინალური დაჯგუფებებს და ქუჩის ბიჭებს წარმოადგენდნენ, რომლებიც საარჩევნო უბნებთან იყვნენ მობილიზებულნი და ამომრჩეველზე ფსიქოლოგიურ და ფიზიკურ ზეწოლას ახორციელებდნენ. დაფიქსირდა შემთხვევები ე.წ. დამკვირვებლები საარჩევნო კაბინებშიც კი შეჰყვნენ ამომრჩეველს.
„ტვ პირველის” გამოძიებით, ასევე დგინდება, რომ დამკვირვებლებად დარეგისტრირებულნი იყვნენ საჯარო მოხელეები და ადგილობრივი ხელისუფლების წარმომადგენლები, მათ შორის თბილისის ერთ-ერთი რაიონის გამგებელიც. მისიის ხელმძღვანელმა ვერ შეძლო პასუხი გაეცა კითხვებზე დაფინანსების წყაროების, დამკვირვებელთა შერჩევის კრიტერიუმებისა და მათთვის ჩატარებული საარჩევნო დაკვირვების ტრენინგების შესახებ.
