2021 წლის 07 ივნისს სახელმწიფო მდივნის მოადგილის მოვალეობის შემსრულებელი ევროპისა და ევრაზიის საკითხებში, ფილ რიკერი საქართველოში მედიის თავისუფლების მხარდამჭერებს შეხვდა. მან ჯგუფს უთხრა, რომ ბაიდენ-ჰარისის ადმინისტრაცია მოწადინებულია, ადამიანის უფლებები აშშ-ის საგარეო პოლიტიკის გულში იყოს. პრესის თავისუფლება და გამოხატვის თავისუფლება ამის ნაწილია.
საქართველოში მედიისთვის მეტი თავისუფლებისა და ჟურნალისტიკაში პროფესიონალიზმის უფრო მაღალი დონის ხელშეწყობისთვის სახელმწიფო მდივნის მოადგილის მოვალეობის შემსრულებელმა მათ შორის, მოისმინა კოალიცია “მედიის ადვოკატირებისათვის” წარმომადგენლების მოსაზრებები და იდეები.
მედიის პრობლემებს შორის კვლავაც მნიშვნელოვან საკითხებად რჩება ჟურნალისტების და მედიამენეჯერების უსაფრთხოება, ჟურნალისტურ საქმიანობაში უკანონოდ ხელის შეშლის დანაშაულების სწრაფი და ეფექტური გამოძიება, ხელისუფლების მიერ მედიასთან ბოიკოტის რეჟიმის სრულად შეწყვეტა და კომუნიკაციების კომისიის მიერ მედიის შინაარსობრივი რეგულირების თავიდან არიდება.
