2025 წლის 11 იანვარს ბათუმში, პოლიციის სამმართველოს შენობის წინ მიმდინარე საპროტესტო აქციაზე ორჯერ დააკავეს ცნობილი ჟურნალისტი, გაზეთ „ბათუმელებისა“ და ონლაინ გამოცემა „ნეტგაზეთის“ დირექტორი – მზია ამაღლობელი. პირველად, იგი უკანონოდ დააკავეს აჭარის პოლიციის სამმართველოს შესასვლელის ღობეზე  სტიკერის გაკვრის გამო. მიუხედავად იმისა, რომ იგი ხელწერილით გაათავისუფლეს, მზია ამაღლობელი მალევე ხელმეორედ დააკავეს პოლიციის შენობის წინ, ბათუმის პოლიციის უფროს ირაკლი დგებუაძესთან დაპირისპირებისა და სილის გაწვნის გამო, რაც პოლიციის უფროსის მხრიდან მის მიმართ გამოვლენილ შეურაცხმყოფელ ქცევას მოჰყვა.

12 იანვარს მზია ამაღლობელს წარედგინა ბრალდება საქართველოს სისხლის სამართლის კოდექსის მუხლით, რომელიც ძალოვანი სტრუქტურის თანამშრომელზე თავდასხმას გულისხმობს და 3-დან 7 წლამდე პატიმრობას ითვალისწინებს. ქუთაისის და ბათუმის სასამართლოების გადაწყვეტილებით მზია ამაღლობელი წინასწარ პატიმრობაში რჩება. ის არის პირველი ჟურნალისტი საქართველოში, რომელსაც რეპრესიული რეჟიმის მხრიდან პატიმრობა ემუქრება.

მედიის ადვოკატირების კოალიცია მხარს მზიას და მის წინააღმდეგ სისხლისსამართლებრივ დევნას განიხილავს როგორც განსხვავებული აზრის ჩახშობის მიზანმიმართულ მცდელობას.

#თავისუფლებამზიას