კერძო მაუწყებლის – “იმედის” არაერთი წარმომადგენლის/დაკავშირებული პირის მონაწილეობა საზოგადოებრივი მაუწყებლის სამეურვეო საბჭოს კანდიდატის შესარჩევ კომისიაში დაუშვებელია

31 მარტი 2022

კოალიცია “მედიის ადვოკატირებისთვის” ეხმიანება საქართველოს პარლამენტის დადგენილებას[1] საზოგადოებრივი მაუწყებლის სამეურვეო საბჭოს სამი კანდიდატის შესარჩევი საკონკურსო კომისიის შესახებ. გუშინ, 2022 წლის 30 მარტს პარლამენტმა დაამტკიცა საპარლამენტო საკონკურსო კომისია, რომლის შემადგენლობაშია კერძო მაუწყებლის – “იმედის” არაერთი წარმომადგენელი / დაკავშირებული პირი.

“საქართველოს პარლამენტის რეგლამენტის” 209-ე მუხლის თანახმად,  საკონკურსო კომისიაში უნდა შედიოდნენ, სამოქალაქო საზოგადოების და აკადემიური წრეების წარმომადგენლები. საკანონმდებლო დონეზე დადგენილი კრიტერიუმის მიუხედავად, პარლამენტმა არასწორად გამოიყენა დისკრეცია და არ გაითვალისწინა კომისიის შემადგენლობაში პლურალიზმის მაღალი საჭიროება.

კოალიცია მიიჩნევს, რომ  კერძო მაუწყებლის “იმედის” არაერთი წარმომადგენლის ან/და მასთან დაკავშირებული პირის მონაწილეობა საზოგადოებრივი მაუწყებლის სამეურვეო საბჭოს კანდიდატის შესარჩევ კომისიაში დაუშვებელია. 

ამ თემაზე

“ქართული ოცნება” მედიის სისტემურ შეზღუდვას აგრძელებს

სამიზნეა კრიტიკული მედია- ცენტრალურიც და რეგიონულიც

ევროპის საბჭოს ადამიანის უფლებათა კომისარი ადამიანის უფლებების მდგომარების შესახებ საქართველოში 

კოალიციის განცხადება საზოგადოებრივი მაუწყებლის სამეურვეო საბჭოს მიერ დამოუკიდებელი ჟურნალისტების დევნის შესახებ