2020 წლის 3 მაისს, პრესის თავისუფლების მსოფლიო დღეს, 15-ზე მეტმა ეროვნულმა და რეგიონულმა მაუწყებელმა აჭარის საზოგადოებრივი მაუწყებლის ჟურნალისტების მხარდასაჭერად 19:00 საათზე ეთერი ერთი წუთით გათიშა. ეკრანებზე კი გამოჩნდა წარწერა “სოლიდარობა აჭარის საზოგადოებრივი მაუწყებლის ჟურნალისტებს”.
აქციას ჰეშთეგით “სოლიდარობააჭარისსაზოგადოებრივიმაუწყებლისჟურნალისტებს საკუთარ ქავერებზე კამპანიის ბანერების განთავსებით შეუერთდნენ უფლებადამცველი ორგანიზაციები და სამოქალაქო აქტივისტები.
აქცია მედიაკოალიციის ორგანიზებით დაიწყო და მისი მიზანი აჭარის ტელევიზიის ჟურნალისტებისთვის სოლიდარობის გამოხატვა და საზოგადოებისთვის აჭარის მაუწყებელში 2019 -2020 წლებში განვითარებული მოვლენების შეხსენება იყო.
