სად არის ზღვარი გამოხატვის თავისუფლებასა და ცენზურას შორის? როგორ უნდა იარსებოს დამოუკიდებელმა მედიამ? რატომ არის მნიშვნელოვანი ჟურნალისტური წყაროს დაცვა? ამ მნიშვნელოვან კითხვებზე პასუხის გაცემით, კამპანიამ “ჟურნალისტის დღიური” პროფესიონალი მედია და ახალგაზრდა აუდიტორია დააკავშირა.
კამპანიის უნიკალურობას განაპირობებს ახალგაზრდებში პოპულარული ინფლუენსერების მონაწილეობა. თითოეული მათგანი განიხილავს სხვადასხვა თემას – დამოუკიდებელი მედიის დაფინანსებიდან საზოგადოებრივი მაუწყებლის როლის მნიშვნელობამდე.
სტუდია “სამკუთხედისა” და პროექტ 64-ის ერთობლივი ძალისხმევით შექმნილმა კონტენტმა TikTok-სა და Instagram-ზე მილიონამდე მომხმარებელს მიაწვდინა ხმა მედიის მნიშვნელობის შესახებ. “ჟურნალისტის დღიურმა” აჩვენა, რომ ახალგაზრდა თაობა მზადაა სიღრმისეული დიალოგისთვის – საჭიროა მხოლოდ მათ ენაზე საუბარი და მათთვის ნაცნობ სივრცეში შეხვედრა.
კამპანია განახორციელა სტუდია “სამკუთხედმა”, MAC მხარდაჭერით.
