საერთაშორისო ორგანიზაცია Amnesty International-მა ახალი ანგარიში გამოაქვეყნა, რომელშიც 156 ქვეყანაში ადამიანის უფლებათა დაცულობის ხარისხია შეფასებული, მათ შორის საქართველოში არსებული მედია მდგომარეობაც.
ანგარიშში ვკითხულობთ, რომ საქართველოში 2022 წლისათვის, სიტყვის თავისუფლება კიდევ მნიშვნელოვნად შეიზღუდა. ხშირია საჯარო მოხელეების მხრიდან გამოხატვის თავისუფლების შელახვის ფაქტები, ჟურნალისტთა მიმართ ძალადობა.
ყურადსაღებია ასევე ნიკა გვარამიას საქმე. Amnesty International-ის ანგარიშში აღნიშნულია, რომ: “მაისში მთავარი არხის დირექტორს, ნიკა გვარამიას 42 თვით პატიმრობა მიუსაჯეს უფლებამოსილების ბოროტად გამოყენების დაუსაბუთებელი ბრალდებით. ნოემბერში სააპელაციო სასამართლომ ეს გადაწყვეტილება ძალაში დატოვა.”
