პროევროპული აქციების დაწყებიდან მეშვიდე დღეს, 2024 წლის 4 დეკემბერს, შინაგან საქმეთა სამინისტროს განსაკუთრებულ დავალებათა დეპარტამენტის ოპერატიული დაგეგმვის სამმართველოს უფროსმა ირაკლი შაიშმელაშვილმა მოულოდნელი გადაწყვეტილება მიიღო – 22-წლიანი სამსახურის შემდეგ არა მხოლოდ თანამდებობა დატოვა, არამედ საქართველოდან წასვლაც გადაწყვიტა. ოფიციალურად მან წასვლის მიზეზად ოჯახური მდგომარეობა დაასახელა. აღსანიშნავია, რომ ეს გადაწყვეტილება დაემთხვა პროევროპული საპროტესტო აქციების მიმდინარეობის პერიოდს, როდესაც რუსთაველის გამზირზე სპეცრაზმი სასტიკად უსწორდებოდა და უწყვეტად არბევდა დემონსტრანტებს.
ნოდარ მელაძესთან ექსკლუზიურ ინტერვიუში შაიშმელაშვილი პირველად საუბრობს ძალოვან სტრუქტურებში სამსახურისა და თანამდებობის დატოვების რეალურ მიზეზებზე.
